Мăшăрăма

Василий Шихранов | Сăвă | 577


Ирсерен эс мана ăсататăн

Ăш самах каласа, ыр сунса.

Чӳрече умĕнчех-çке тăратăн

Эп куçран кайиччен ал сулса.

 

Кунĕпех ман çинчен шухăшлатăн

Чиперех килессе ĕненсе.

Шăнкăрав ямасан — кулянатăн

Чунупа-чĕрӳпе тем сиссе...

 

Каçсерен урама эс тухатăн

Эп ĕçрен килнĕ чух тĕл пулма.

Йăл купса аллăмран-çке тытатăн

Юнашар кил енне çул тытма.

 

Пирĕшти пек мана эс упратăн

Çăмăл мар кăмăла ăнланса.

Йăнăшсем тăвасран та сыхлатăн

Тĕрĕс çул кăтартса, юратса!

 

Чунтанах эп сана юрататăп.

Саншăнах тав тăвап Туррине!

Саншăнах çĕр çинче пурăнатăп

Упраса чун-чĕре ăшшине!

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: