Каçарсам
Хамах пуль пултăм айăплă, савниçĕм.
Тен, пĕлеймерĕм юратма, каçар!
Пултараймарăм тивертме, тен, çиçĕм
Сан чĕрӳне... каçар мана, каçар!
Каçар мана ытла йăваш пулнишĕн.
Тен, уçаймарăм вăхăтра чуна?
Улах чухне те вăтанса тăнишĕн
Эс каçарсам, юратăвăм, мана!
Тулли телей урăххипе сунатăп,
Утас çулна эп пӳлмĕп нихăçан!
Чĕрем тапнă чухне пĕрех çунатăп
Сан ятупах! Эс асăмра ялан!
Каçар мана. Каçар. Эп йăлăнатăп.
Чунпа туятăп, тавăрма май çук...
Паян кунччен те тĕлĕкре куратăп:
Çутă сăнна манма-çке вăйăм çук.
Çĕнĕ комментари хуш
Шухăшсем
I have a question, can you contact me at...
I have a question, can you contact me at...
Hello, I spent a few minutes on c...
Hello, I just visited chuvash...
Тискер ĕç-пӳç пĕтĕм илеме , тĕнчене пăса...
я не знаю чувашский а хоть и кто занет ...
НУРНАТПАР-ХА ТЕСЕ ПЁРИ КАЛАНА вара ...
Мĕнле пулнă, çаплипех тăрать, заблокиров...
Тархасшăн çак ухмахсен шухăшĕсене тасатă...
Сергей Юшков - Етĕрне районĕнчи Атликаси...