Ĕмĕтленĕр!

Василий Шихранов | Сăвă | 624


Ĕмĕтленĕр, туссем, ĕмĕтленĕр,

Çутă шанчăкпалан çирĕпленĕр!

Тăвалла пурнăç çулĕ пулсан та

Малаллах талпăнма ан ӳркенĕр!

 

Ан çухатăр, туссем, ан çухатăр

Çынлăха, çул çинче ан хăварăр!

Сăрт çине маларах хăпарсан та

Юлнине ал памашкăн ан манăр!

 

Ан вăтанăр туссем, ан вăтанăр,

Ырă ĕç тунинчен ан вăтанăр!

Яри кун ĕçлесе ывăнсан та

Кашни ир ĕмĕтпе çеç вăранăр!

 

Çирĕп пулăр туссем, ан çухалăр,

Пĕр-пĕрне тем пулсан та каçарăр!

Тус-юлташ ăнсăртран йăнăшсан та

Хăвăртан васкасах ан хăвалăр!

 

Ĕмĕтленĕр, туссем, ĕмĕтленĕр,

Турă панă пилпе çирĕпленĕр!

Çирĕмре, аллăра, çитмĕлре те

Çут тĕнче ыррипе-çке киленĕр!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: