Çунатăма ан хуç

Василий Шихранов | Сăвă | çунат | çăлкуç | 355


Шур акăш пек, хăпартланса

Мăшăр çунат сарас!

Çăлкуç умне анса ларса

Çак юррăма юрлас!

 

Хĕвел хĕртсе шăраннă чух

Ан типтĕрех çăлкуç!

Чĕрем вĕçме пикеннĕ чух

Çунатăма ан хуç!

 

Чĕр кĕмĕл пек çăлкуç шывне

Санпа пĕрле ĕçес!

Юратупа телей çулне

Санпа пĕрле иртес!

 

Эпир утас сукмак çине

Ан вырттăрах тусан!

Юратакан чĕресене

Ан тивтĕрех суран!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: