Чӗнӳ

Лидия Ковалюк | Сăвă | 530


Эп ĕçсĕр пурăнмастăп, пурпĕрех

Çусамччĕ тетĕп çумăр вăйлăрах!..

Пурнатăп шăп, тĕлĕнтермĕшсĕрех,

Йăмра вулли çеç çаптăр хытăрах.

 

Çапла-тăр, чечексем, тĕссем çинче,

Çӳлте, илемлĕх ĕмĕр пурăнать.

Хăруш çил-тăвăл тухĕ пĕринче —

Кăваклăх систермесĕр арканать.

 

Шур тĕс — ачалăха асилтерен

Тăван кил патнелле пыран çул пек.

Кăваклăхра çĕтсе эп çӳресен,

Поэзи евĕр, çул чĕнет халь тек.

 

Пурнатăп эп ялан хаваслăхра,

Пурнатăп эп сӳнми чăвашлăхра,

Пиншер-пин юрăллă çĕршывăмра,

Пиншер-пин тĕрĕллĕ Чăвашстанра.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: