Юрату — хуçа

Анатолий Ырьят | Сăвă | 541


Чĕрем пĕр кĕтесне вырнаçрăн

Эс — юрату — халь ман хуçа.

Чирлетрĕн, чунăма амантрăн

Пĕр шеллемесĕрех пуçа.

 

Анчах… Пĕр енлĕ юрату вăл.

Ман чун савни туймасть ăна.

Чĕри ун маншăн — хăрнă хăвăл,

Эп уншăн йăлт кĕтмен хăна.

 

Мĕн каласа ăнлантарам-ши

Çакна сивленĕ чунăма?

Ун чĕрине вырнаçни кам-ши,

Кам тĕттĕмлетрĕ кунăма?

 

Эп маларах тĕлĕк тĕлленнĕ:

Çăтмахри Пирĕшти анса

Çав каç темме мана иленнĕ…

Пымарĕ пурнăçăм ăнса.

 

Çавăнтанпа ман шанчăк сӳнчĕ,

Телейĕм юлчĕ хыçала.

Çавах сут туйăм асра юлчĕ,

Чĕнет мана вăл малалла.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: