Асăмран тухмасть-çке тăван кил

Анатолий Ырьят | Сăвă | 387


Каç пулать. Улшăнать пек çанталăк,

Çурçĕртен чĕпĕтет сивĕ çил.

Чун чĕтрет. Хупăнать ĕнтĕ алăк,

Асăмра — ман çаплах тăван кил.

 

Хĕвеланăç хĕрелнĕ вăтаннăн —

Пăсăлать пулас кун ыранран.

Пăсăлать-и е çук-и — халь манăн

Тăван килĕм тухмасть асăмран.

 

Аякран — хулара илĕртӳллĕ,

Çывăхран — пурнăç мар, çавра çил.

… Каç пулать. Тӳпере — тăрна çулĕ,

Асăмран ман тухмасть тăван кил.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: