«Пачах шел мар пулсан...»

Марина Карягина | Сăвă | 1990 | 287


Пачах шел мар пулсан,

Кив ĕмĕте çилпе салат.

Куççулĕпе кулсан,

Мана, кур, тĕкĕр те савать.

 

Каях шел мар пулсан —

Пĕччен эп, эсĕ те хăрах.

Асаилӳ кăна юлсан,

Сăвăмсене вута пăрах.

 

Тен, ташлăп çаруран

Кăвар çинче — ăсран кайсан.

«Эп йӳн каçаруран», —

Теменччĕ-и эсех тахçан?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: