«Ан шыра мăна — тупаймăн...»

Марина Карягина | Сăвă | 1990 | 304


Ан шыра мăна — тупаймăн,

Ăшунта ыр пурнăç сун.

Хитре мар çынра пытаннă

Ман ачаш, ытарлă чун...

 

Ан шыра мана — тупаймăн,

Тур çырни пулать тата.

Ахальтен-им эп вăтаннăн

Куçăма санран тартап...

 

Ан шыра мана — тупаймăн,

Кам куçран пăхмасть — сăна.

Хальхинче вара сăпайлăн

Кăшт кулса ăсат кăна.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: