Ваттисем каланинчен пуçласа

Тĕрĕс-и ку

тĕрĕс мар?

«Пĕр шăширен хăраса,

унран çăлăнмашкăн,

пĕтĕм çуртна-хуралтна

ан çунтар».

Эс — шăши мар

(хăш чухне арăслан пек эс паттăр),

эс — аркатуçă (кăна калама эпĕр тивĕçлĕ, —

эсĕ камне

çирĕппĕн,

çапла палăртар).

Эппин,

çак киле, — çак çурта

сансăр, кунта юлакан кил-йышпа,

эпир

упраса хăварар.

Сана-и? —

халь тӳррĕн калар:

— Кай эс — хăвах,

хă-ва-ла-маст-пăр,

анчах — çак киле аркатма сана ирĕк памастпăр,

пул — «ырă»,

кĕскен çеç ыйтатпăр

«пуриншĕн те паллă» хальхи чĕлхепе:

«Пире эс — хăвар».

Çĕнĕ комментари хуш