Тепĕр юрă

Геннадий Айхи | Сăвă | Юрий Айдаш | 529


Ю. Айдаша

 

Ачасем — ачасемпе,

Артистсем — артистсемпе,

Йĕкĕтсен — хăйсен пур йышĕ,

Ваттисем — ваттисемпе.

 

Чечексем — чечексемпе,

Платниксем — платниксемпе,

Кайăксен — хăйсен пур йышĕ,

Кашкăрсем — кашкăрсемпе.

 

Сăвăç, эс — кашнийĕнпе:

Эс ача — ачасемпе,

Йăлт пăтраштарать поэзи:

Пĕлĕт эс — пĕлĕтсемпе.

 

Çăлтăр эс — çăлтăрсемпе,

Кайăк пул — кайăксемпе, —

Кашкăр çеç нихçан та пулмăн

Эс хирти кашкăрсемпе.

 

Пул çапла — ĕмĕрĕпе:

Ватă пул — ваттисемпе,

Санăн ăсунта пуплеччĕр

Вилнисем — чĕррисемпе.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: