Буксир

Алексей Воробьев | Сăвă | 1959 | 347


Атăл тăрăх анатран

Хăпарать буксир.

Шупашкар енчи сăртран

Саламлать ăна çут ир,

Мухтаса калать: маттур,

Ыр сунатăп ĕçчене;

Йывăр пулĕ пĕччене,

Турт, вăю туртмалăх пур.

Эс ан парăн тăвăла,

Хум çине хум сир...

 

Атăл тăрăх тăвалла

Ак иртет буксир.

 

Пурнăçра, шутлатăп эп,

Йывăр пултăр лав.

Кам туртать — çавна хисеп,

Чыс ăна, мухтав.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: