Эсĕ — пур...

Геннадий Айхи | Сăвă | 1974 | 504


«Эсĕ пур» теекен шухăшпа

Йăпанатăп, — эс сассăр чухне.

Тен, хĕртмесĕр лăпкан çутăпа

Ашăнатпăр çапла — кĕр енне.

 

Эп ыйтни вăл — ĕçмар, сăмах мар.

Мĕн-ха вăл? Ун пĕлтерĕш — епле?..

Эсĕ — пур. Сахал мар та, — калар:

Нумаях та-çке мар, — темелле...

 

Куç — чĕр пурнăç, чĕр сăн çеç ыйтать.

Çук — ыйтни. Чун çапах ăшăра:

Те чĕре манăçса улталать,

Те иртнин ĕмĕлки асăмра?

 

Пăшăлтатнă пек, ман кун-çулта

«Эсĕ — пур» тени пур-çке пĕрех, —

Типĕ шĕшкĕ çулçи вăрманта

Чăвашла чăштăртатнă пекрех...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: