Шăплăх

Лăпкă, питĕ лăпкă

кантăкăн хĕрри.

Çуталать кăшт шăппăн

сан аллун йĕрри.

Шăплăх пек ху эсĕ:

эс те сассăр мар,

эс те систермесĕр

çитерен хыпар, —

хуравлатăн сассăр:

— эп кунтах, кунтах,

эс пур чух эп — сансăр,

эс çук чух — санпах...

Шăплăх евĕр, эсĕ

кăшт аташтаран.

Шухăша сӳтмесĕр

эс пухма пăхан.

Çут пăнча курмасăр,

чĕрепе анчах

туйнă пек пĕр сассăр

эп — кашни каçах.

Çĕнĕ комментари хуш