Тăванла тайма пуçăм

Геннадий Айхи | Сăвă | 1958 | 466


В.И.

 

Суя ĕмĕтсене ватмалăх

ăшра вăй пухнă вăхăтра

çухалчĕ ман вĕри хаваллăх,

мана хăварчĕ шăплăхра.

 

Телей ыйтма — ун чух хăйман эп,

на памаççĕ — ыйтмасан.

Шăпам — вĕçне çитетчĕ манăн

мана эс сас паман пулсан.

 

Чир терчĕ пек — ăс-хакăл терчĕ,

çав чирĕн тупсăмне пĕлсе

пĕр сан сассу çеç ĕнентерчĕ

эп сывалса çĕкленессе.

 

Тĕллевсĕре — тĕллев эс патăн,

ят патăн, ятсăр чух, мана.

Тăванлăх, — уншăн эп пурнатăп,

тăванăм, йышăн тăванна!..

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: