Çĕнĕ пӳрт

Саваланă пуран сарă тĕсĕ

Урама çутатса сăн кĕртсен,

Анăç ылтăн чечек çурчĕ тес-и?

Тухрĕç тес-и вăййа сар хĕрсем?

Чӳрече йăл кулса уçăлсассăн,

Çĕн пӳрте пухăнсан тус-тăван,

Туйăнать мăй тăсса авăтассăн

Пӳрт умне çакнă тимĕр автан.

Çамрăк мăшăр тинех кăмăл тулнăн

Килкарти пуçтарать, тĕрĕслет:

Сар шевле пек çункав ункăн-ункăн...

Ĕмĕтри ача çуçĕ тĕслех.

Çĕнĕ комментари хуш