«Паллах, халь Шупашкар çаплах шавлать...»

Геннадий Айхи | Сăвă | 1948 | шухăшсем | Шупашкар | 260


Паллах, халь Шупашкар çаплах шавлать,

Çаплах ялтраççĕ Атăл хумĕсем.

Урамсенче çĕршер хунар çунать,

Çуртсем çине ӳкеççĕ шевлисем.

 

Аçта эсир, телей сунан кунсем,

Мĕскершĕн вăрататăр чĕрене?

Ăçта эсир?.. Халь манăн шухăшсем

Пурте вĕçеççĕ Шупашкар енне...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: