Халал вырăнне

Николай Хмелёв | Сăвă | 454


Сумлă çын ӳсет ĕçре,

Пархатарлă çемьере.

Пурнăç ĕçчене кĕтет,

Ырлăх, ăнăçлăх сĕнет,

Телее те вăл пиллет.

 

Пул эс çирĕп те сăтур,

Яланах ĕçре — маттур.

Пултăр сывлăх çитĕнме,

Вĕренме те ĕçлеме,

Çынсене телей кӳме.

 

Тимлĕ те хастар эс пул,

Пултăр ырлăхлă кун-çул,

Тупăн ху та телейне,

Тивĕç пулăн çын чысне,

Ĕç тытсан — çитер вĕçне.

 

Пĕл: мăн кукаçи ятне

Сана хунă. Малашне

Сан сыхлас пулать чапне

Кукаçу-кукамунне,

Аçупа-аннӳн пилне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: