«Мĕнле илемлĕ çут тĕнче!..»

Мĕнле илемлĕ çут тĕнче!

Епле вăл анлă, тулăх!

Пур кунпа каç çак çĕр çинче,

Пур çумăр, пĕлĕт, улăх.

Тĕлĕнмелле кĕтречĕ ун

Татах нумай. Этемлĕх.

Хăй Çын — питех хăватлă чун,

Унра тĕнче илемлĕ.

Çынна туртать çулла йăмра,

Çĕрле тухать çут уйăх.

Вылять вăл ăшă каç шывра,

Сикет, чупать хум тăрăх.

Çынран вăйли мĕскер пур-ши?

Анчах вăл Çĕрсĕр чирлĕ.

Ăна хăйне те кил ăшши,

Çемье хунавĕ кирлĕ.

Çĕнĕ комментари хуш