Çил-тăман вĕçтерет

Анатолий Ырьят | Сăвă | 436


Çил-тăман вĕçтерет,

Чĕрене хĕстерет,

Ырра мар ку. Сисетĕп, сисетĕп...

Чун вĕрет. Пĕçертет.

Вăйăм çук. Пĕтерет.

Хамран-хамах çапла эп писетĕп.

 

Сивĕнет вĕри юн.

Кĕскелет шутлă кун.

Çав-çавах пурнăçа ăмсанатăп.

Эс ăçта, çамрăк чун?

Пулнă! Пулнă! Ан тун!

Юлашки хевтене хапсăнатăп.

 

Çил-тăман вĕçтерет,

Усала систерет.

Эх! Пурнасчĕ, пурнасчĕ, пурнасчĕ..

Çук. Чĕрем хĕстерет,

Вăхăта виçтерет,

Тӳперен Çĕр çине ман анасчĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: