Мăшăрăм

Анатолий Ырьят | Сăвă | 417


Эс маншăн ĕмĕрлĕх хăна,

Çут кĕтесри çветуй пекех.

Каласси манăн çав кăна, —

Ман пирĕштийĕм те эсех.

 

Мăшăрăм,

Мăшăрăм, çунатлă кăйкăрăм.

Кăйкăрăм.

Кăйкăрăм,

Пӳрнĕ шăпаçăм, мăшăрăм,

Мăшăрăм.

 

Пурнăçĕ пытăр çеç ăнса.

Урăх нимĕн те кирлĕ мар.

Юрату тăтăр çаврăнса, —

Вĕçне-хĕрне тухма ан пар.

 

Турă çырни вăл çавă пуль, —

Мăшăр çумра, чунра юлни.

Телейлĕ пурнăç — пысăк мул,

Мĕн виличчен пĕрле пулни.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: