Пуласси

Çеçпĕл Мишши | Сăвă | 1918 | 516


Вырăсла кĕвĕ

Çил-тăвăл иртсессĕн йăлтăра çанталăк

Кăмăллăн та лăпкăн ачашланса канĕ.

Юмахри илемлĕ çут кĕмĕл çурт майлă

Çут тĕнче çуталĕ, çĕнелсе лăпланĕ.

 

Ирĕклĕхшĕн вилнĕ тăвансенĕн юнĕ

Чĕлтĕрти çеçкеллĕ хĕрлĕ чечек пулĕ.

Кĕмĕл сывлăм шывĕ чечек çинче çунмĕ, —

Çунĕ çут тĕнчешĕн тăкăннă куççулĕ.

 

Чухăнлăх, пуянлăх, уйрăмлăх йăранĕ

Ирĕкле çĕнелнĕ пурăнăçран тарĕ,

Чĕрере ачашшăн çунĕ, çулăмланĕ

Тантăшлăх, тăванлăх, юрату кăварĕ.

 

1918 ç. çуркунне, Теччĕ;

1921 ç. çуркунне, Шупашкар

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: