Юрлас килет

Анатолий Ырьят | Сăвă | 462


Юратмашкăн хистет çурхи тĕнче,

Юратмашкăн хистет çурхи кун.

Юрату аллинче, тыткăнĕнче

Юратса киленет çамрăк чун.

 

Юрлас килет, юрлас килет,

Çунатланса вĕçес килет.

Юрлас килет, юрлас килет,

Юрату тыткăна илет.

 

Шăпчăксем юрласа киленеççĕ,

Çурхи кун юрăçсемшĕн — шерпет.

Çеçкери шăплăха иленеççĕ,

Юратмашкăн сунаççĕ тивлет.

 

Ах, ан çĕт эс, ан çĕт çутă курнăç,

Юрату туйăмне те вăрат.

Тĕрĕс-тĕкел çеç ирттĕрччĕ пурнăç,

Юррăна эс, шăпчăкăм, шăрат!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: