Ыраш пĕрчи

Аркадий Ĕçхĕл | Сăвă | 1944 | ыраш | 516


Эп ывçăма ыраш пĕрчи илетĕп,

Савса пăхатăп пĕчĕкçеç тĕшше.

Шухăшăмпа, ĕмĕтĕмпе кĕретĕп

Эп ун асамлă, куç витми ăшне.

 

Çак пĕрчĕре — хăватлă çĕр сĕткенĕ,

Хĕвел ăшши те ырă çумăрсем

Колхозник вăйĕпе пĕр тĕвеленнĕ

Вĕри ĕçре сипетлĕн хĕртĕнсе.

 

Унта пайтах этем ăсне те хунă, —

Пайтах имленĕ юнпа тар ăна.

Ахальтен мар ырашăн ылтăн хумĕ

Мăнаçлăн та сулмаклăн ярăнать.

 

Ан тив, тата хăватлăрах хумхантăр

Колхоз уй-хирĕнчи çăра тырпул.

Кашни пĕрчех пире хастар вăй патăр,

Тăшман çамкишĕн пуля пултăр вăл!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: