Хăв çинчен шутлаттартăн мана çĕрĕпе...

Олег Прокопьев | Сăвă | 554


Хăв çинчен шутлаттартăн мана çĕрĕпе, çĕрĕпе,

Аллăма хăнăхман кайăкла ыйăха вĕçтерттертĕн.

Пĕлĕте шăтарас пек тинкертĕм куçсен çутипе:

Уйăха сыхласа асапланнă каç пек манăн тертĕм.

 

Каçăхса чуп тăвас килнипе татăлаç тӳперен

Çăлтăрсем — çĕр çинче пурăнасшăн сӳнеççĕ телейлĕн

Ашкăнса кĕтсе илĕ чĕре кăвакарнă ире:

Канăçна татакан туйăмпа пурнăçна тӳпелем-и?!

 

Пĕр сана сăнарлать иртенпех темиçе шăнкăрав,

Шухăшсем паçăрах киленме килĕмрен тухса кайрĕç.

Чĕнекен ÇЫН пекех кĕрхи çил кантăкран кăшкăрать,

Чунăма васкаса эп саратăп паян çиле майлă.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: