«Чавса хураççĕ шăн тăпра айне...»

Чавса хураççĕ шăн тăпра айне.

Çын пурнăçĕ çут тĕнчерен каять.

Часах манаççĕ ĕмĕрне, камне,

Нумай-и пурăнайĕ пирĕн ят?

Пире пурне те пĕр шăпа кĕтет.

Пĕр кун юлсан та — пултăрччĕ хитре!

Çул иртнĕçем чĕре чĕтрет, чĕтрет,

Ун каскаланчăк йĕрĕ сăн-питре.

Пĕр эс кăна ман çăлăнăç та шанчăк.

Ăçта каян, кампа телей тупан?

Пĕрле çав вăхăтчен пулсан аванччĕ.

Унта вара — ним кулянмасăр кан...

Раштав, 27, 1998.

Çĕнĕ комментари хуш