Асатте ялне кайсан

Борис Борлен | Сăвă | ял | асатте | 487


Асатте мана кĕтмен,

Асанне пĕлмен-илтмен

Çуллахи каникула

Эпĕ пырасса яла.

Асатте унта-кунта

Уткалать те чупкалать,

Çупăрлать мана чунтан

Сухалне шăла-шăла.

Васкаварлăн асанне

Пуçтарать сĕтел çине:

Ахаль мар-мĕн каçхине

Çунă кушакки питне.

Чи хисеплĕ вырăна

Кĕртсе лартрĕç те мана

Тытăнчĕç хăна тума.

Мĕн кăна хуман ума?

Йăл кулать ман асанне:

«Çи-ха, çи, — тет, — шăрттанне».

Асатте калать: «Палан

Питĕ тутлă пылпалан».

Авалхи кил-çурт шăрши

Маншăн чи тутли мар-ши?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: