Июнь

Епле эпир чĕлхесĕр, чечексем! —

Юрлар-я пĕрех хут пĕр çаврăм юрă?

— Чĕрне вĕçне тăрса, куçа хĕссе —

кама эс каç, тус-тантăшăм, чуптурăн?

— Ай, пулчĕ каçĕ çутă та кĕске,

каччи ытла та çамрăк та хăюсăр.

Сан, тантăшăм, варли хăюллăскер,

ăсатран-и вара пĕр чуптăвусăр?

— Ай, чунăмçăм, ан ӳктĕрччĕ куçу,

те эп ăна, те вăл мана чуптурĕ...

Çапла юрлаççă чечексем ку чух,

пире тинех ăмсанмасан та юрĕ.

Çĕнĕ комментари хуш