Юрату чечекĕ

Юхма Мишши | Сăвă | 2007 | чечек | юрату | элек | 375


Сап-сар чечек, сар чечек,

Ман юрату чечекĕ;

Сап-сар чечек, сар чечек,

Усал çынсен элекĕ.

 

Эп çак сарă чечеке

Пит юратса ӳстертĕм.

Чăтаймарăм элеке

Куççульпеле йĕпентĕм.

 

Пурĕпĕрех чечеке

Куллен-кунах шăвартăм.

Ĕненмерĕм элеке

Юратăва упрарăм.

 

Сап-сар чечек, сар чечек,

Эс — юрату чечекĕ.

Сап-сар чечек, сар чечек,

Кай эс, çынсен элекĕ.

 

25.08.2007.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: