«Çил вĕрет те, çил лăпкать те...»

Çил вĕрет те, çил лăпкать те —

ачашлантăм.

Çут хĕвел те вăштăр çил çеç

лайăх маншăн...

Кам вăл пуçлăх, кам вăл кутлăх —

Эп ăнлантăм,

Хам хăпарнă сăрт çинчен эп

хамах антăм.

Укçалла та, хупçалла та пăталарĕç —

Парăнмарăм.

Пултăр терĕм

аллăмра ĕç.

Халĕ ĕнтĕ аптрамастăп,

нихăçан та,

Хăратаймĕ лăпăр-лапăр

чăнкă-чанкă!

Çил касать те, çул татать те —

хаярлантăм.

Йĕксĕке алай темешкĕн

эпĕ мантăм...

1995, раштав, 21-22.

Çĕнĕ комментари хуш