«Вут пек хĕмленчĕ вĕрене...»

Любовь Шашкина | Сăвă | кĕркунне | 289


Вут пек хĕмленчĕ вĕрене,

Тăкать сар çулçă хурăн.

Утать çĕр тăрăх Кĕркунне,

Кĕпи сар ылтăн унăн.

 

Анчах салхуллă вăл ялан,

Кулма та сиввĕн кулчĕ.

Ак, йĕрсе ячĕ те паян,

Куççулĕ çумăр пулчĕ.

 

Ак, усрĕ вĕрене пуçне,

Çав çумăрпа чӳхенчĕ,

Чĕтрентерсе çулçисене

Кашни турат çӳçенчĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: