«Ака вĕçленет...»

Юхма Мишши | Сăвă | 2007 | 500


Ака вĕçленет.

Каймасть-ха çаплах Хĕл Мучи.

Çĕрле вăл каллех, ав, тем чухлĕ алхаснă,

Çĕр çийĕн чупса çӳресе катаччи

Ана вăл шап-шурă юрпа йăлт хупланă.

 

Ака вĕçленет.

Килмелле ăшă çу кунĕсем.

Сив хĕл алхасса пире тарăхтарасшăн.

Вăрçаççĕ ăна ушкăнпа кранклатса кураксем,

Вĕсем те часрах чĕпĕсем кăларасшăн.

 

Ака вĕçленет.

Итлемест никама Хĕл Мучи.

Епле алхасать. Пур тавралăх шап-шурă.

Çилпе алхасса, çаплипех вăл чупать катаччи,

Хăçан хуса ярĕ ăна çурçĕре Атте-Турă...

 

29.04.2007.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: