«Тĕрĕслĕхе хӳтелеме каллех перо тытатăп...»

Тĕрĕслĕхе хӳтелеме каллех перо тытатăп,

Хам çырнă хут — каллех кĕрешĕве чĕнен ялав

Тĕреслĕхе хӳтелеме каллех çула тухатап,

Пăлан ури пек ывăнман урасене мухтав!

Чиновниксем, министрсем патне каллех çитетĕп

Вĕсен алăкĕсем уçăлманни те ним те мар;

Коридорта тăрса, вĕсем йышăнасса кĕтетĕп,

Паллах, кĕтместĕп вĕсенче пĕр пархатар.

Эп тĕрĕслĕх кашни ĕçре çĕнтерессе шанатăп,

Вăл çĕнтермест пулсассăн пурнăç та пĕтет.

Шанни чылай чухне çитмест. Каллех перо тытатăп,

Хам çырнă хут, ялав пулса, кĕрешĕве чĕнет...

29.03.2007

Çĕнĕ комментари хуш