«Эс мĕнле пурăнатăн-ши мансăр...»

Эс мĕнле пурăнатăн-ши мансăр,

Çамрăк чух юрату чĕртнĕ чун?

Эс пĕлесчĕ: мана та пит кансĕр,

Сан çинчен шухăш ман кашни кун.

Шухăшпа сан патна эп çитетĕп,

Ачашлатăп кăлкан çӳçӳнтен.

Ку вăл ĕмĕт кăна. Эп пĕлетĕп

Уйрăлса эсĕ кайнă пиртен.

Ку ман ĕмĕт пустуй, эс пĕлетĕн,

Тек кураймăп сана нихăçан.

Пурпĕрех паян кун та чĕртетĕн

Эс манра çĕнĕ вут-хĕм, тăван.

02.02.2007.

Çĕнĕ комментари хуш