Манаймастăп çак çĕре

Аркадий Русаков | Сăвă | 481


Пур пĕр вырăн çĕр çинче.

Пурăнать унта асамлăх.

Эп тухса кайсан инçе,

Ăшшине сыхлать вăл манлăх.

Çур çитсессĕн çеçкине

Çĕмĕртсем шап-шур çураççĕ.

Шăпчăксем юррисене

Ирчченех янăратаççĕ.

Çырмара шăнкăртатса

Шыв юхать. Вăл сивĕ,тарăн.

Ăш хыпсан, ăна сыпса,

Ӳт-пӳне эс уçăлтарăн.

Йăлкăшаççĕ çăлтăрсем

Каçсенче. Тӳпе те тăрă.

Чĕкеç пек вăр-вар хĕрсен

Ян каять юрри хир тăрăх.

Ирхине, каçпа, çĕрле

Çак çĕре асран ямастăп.

Эп пулам таçти çĕрте —

Нихăçан ăна манмастăп.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: