Иртнине каялла çавăраймăн

Иртнине çавăрса илме çук,

Шак хытса пăрпала вăл хупланнă.

Сивĕ пӳрт пек чунри савăк çу,

Çил вĕрсе ăшшине йăлт тустарнă.

Парнеленĕ сехечĕ шаккать,

Чăннине ик пая уйăрасшăн

Тăрса юлчĕ веçех аякка,

Мантарсамччĕ эс, Турă, тархасшăн.

Çук, иртни каялла таврăнмасть,

Шухă çил пек вĕçтернĕ те иртнĕ —

Пĕлмелле тур çулпа та утма,

Çулĕ пулчĕ тумхахлă та тертлĕ.

Çĕнĕ комментари хуш