«Арçын тытса пырать хушамата...»

Арçын тытса пырать хушамата...

Хĕрарăм — çурт-йĕре, çемье илемĕ.

Пит тăрăшса пайлатăп вăхăта,

Анчах пĕчĕкленмест ниçтан çĕклемĕм.

Юлас килмест пĕрре те пурнăçран:

Унта васкамалла, кунта чĕнеççĕ...

— Пăрах сăввусене! — эс кăшкăран.

Çырма пăрахрăм. Кĕвĕсем хистеççĕ...

Çак сăвă-кĕвĕпе хăпартланса,

Тен, çак куна çити эп пурăнатăп?

Çук, çуреместĕп муза шыраса,

Эп ун валли чун-чĕрене уçатăп.

Çĕнĕ комментари хуш