Ача кăкăр пăрахать

Аркадий Русаков | Сăвă | 371


Шырать ыйхă витĕр кăкăр

Тутипе те аллипе:

Çимелле çав унăн çăкăр

Паянтан, тата шӳрпе.

 

Çумĕнче ачан çук амăш,

Çывăрать унран инçе.

Тек пĕрле вĕсем выртаймĕç

Малашне тӳшек çинче.

 

Ача пĕчĕк, хуйхă пысăк:

Амăш памĕ кăкăрне.

Çавăнпах-тăр ĕнтĕ хытă

Макăрать çине-çинех.

 

Курăнаççĕ çăлтăр евĕр

Куççульсем ун куçĕнче.

Пысăк çав асапĕ-терчĕ

Çĕнĕ пурнăç умĕнче.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: