Улшăну

Аркадий Русаков | Сăвă | 453


Туту сивĕ, вĕри мар

Эп чуп тунă чух сана.

Чунунта çук шĕл-кăвар,

Унта, ахăр, пăр кăна.

Пит-куçу та хĕлхемне

Ман çине сапмасть хуть кăшт.

Темшĕн эс улшăннине

Сиснипе вăркать ман ăш.

Ыталатăп, ак, сана —

Ĕлĕкхи мар пек чĕрӳ.

Çитмен евĕр тем ăна

Вăл тапмасть хĕрӳ-хĕрӳ.

Аллу та, чăмăртасан,

Савăнса хĕсмест алла.

Эп сана куçран пăхсан

Туртăнатăн каялла.

Ăнланатăп: ырра мар

Чĕрӳнти çак улшăну.

Алхасать чунра пушар:

Чĕптĕм çук унта шану.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: