Савнисем

Аркадий Русаков | Сăвă | 374


Вуннă, çирĕм, вăтăр, хĕрĕх, аллă...

Пулнă эсĕр манăн çул çинче.

Шутламан сире эп — çакă паллă.

Халь ăçта-ши эсĕр, хăш енче?

 

Хăшпĕрне сиртен паян эп маннă,

Тухса ӳкнĕ эсĕр ман пуçран.

Мĕншĕн-ши, анчах, чĕреçĕм манăн

Тапать хăвăрт, эп пĕччен юлсан?

 

Мана эсĕр çакăншăн каçарăр,

Манăннисемпе манманнисем.

Тĕл пулсан калаçăр, алă парăр,

Пăрăнса ан кайăр, савнисем!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: