Пĕлсем кĕтме

Аркадий Русаков | Юрă | 486


Эсĕ пĕл ман пекех юратма:

Таса туйăм кĕтетĕп санран.

Кирлĕ мар пĕр-пĕрне çухатма,

Пире тĕрлĕ сăлтав уйăрсан.

Хушса юрламалли:

 

Сана кĕтсе кунсем-çулсем

Çухалсан та тĕтресенче,

Эсĕ те мана кĕтме пĕлсем,

Такăр мар пулсан та çулу çинче!

 

Упрама пĕлер çут туйăма,

Ачашлар та ăна çупăрлар!

Никама ăна варалама,

Ман савниçĕм, нихçан парас мар.

 

Кĕтме пĕлнĕшĕн çутă телей,

Йăлкăшса тӳперен çăлтăр пек,

Ĕмĕтре вĕçме чĕнĕ çӳле,

Пурăнма савса пĕр-пĕринпе.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: