Ăс кирлĕ

Михаил Сениэль | Сăвă | Капкăн | 446


Пирĕн çамрăк пуçра

миме пур,

тĕллĕн-тĕллĕн кăна

хывăх пур.

 

Пӳ-си пирĕн яштак,

сăн хитре,

тата мĕскер кирлĕ

халь пире?

 

Ут кирлĕ мар, туссем,

машин пур.

Ют кирлĕ мар,

умра эсир пур.

 

Ут та кирлĕ пулĕ,

ют та кирлĕ.

Пуринчен те ытла

ăс кирлĕ.

 

Çĕр аллă пин сумлăх

ăсăра

ан хăвартăр çука

пыл-сăра.

 

Кĕçĕнрен пуçтарнă

çавă ăс,

шăтăк пуçран тухса,

пулĕ пăс.

 

Пур пек — çук пек ăса

салатас мар,

атте-анне ятне

ярас мар.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: