Акцент

Мĕн илтесшĕн, мĕн каласшăн

Килтĕм эпĕ çăл умне?

Хĕрнĕ шухăш, мур илесшĕ,

Сырăнсан этем çумне,

Уйрăлма пĕлмест иккен.

Çиçĕм çиçрĕ, çиçĕм выртрĕ

Умăмри çăлкуç çине.

Ăшăма кĕрсе вăл хĕртрĕ,

Кăмăла ярса хĕне,

Астарать телей кӳреслĕн.

Çул ытарĕ, çул асапĕ

Йăптăр-йăлтăр çăлтăр пек.

Хĕмленсе çунать сăвапĕ

Çĕрĕпе те кунĕпе.

Шав çунат сарма хушать.

Мĕн илтесшĕн, мĕн каласшăн

Эп çӳретĕп çăл умне?

Çул ытарĕ, вут хыпасшĕ,

Сырăнсан этем çумне

Пач хăпа пĕлмест иккен...

Çĕнĕ комментари хуш