Çăлăнăç

Çемен Элкер | Сăвă | 1919 | 383


Килтех ӳссе çитĕнтĕм,

Этем шутне ир кĕтĕм.

Атте-анне нушине

Часах хыврăм чĕрене.

 

Салху шухăш хупласан,

Пуç ыратсан, ăш çунсан

Пурччĕ ман пĕр çăлăнăç —

Аслă уйри пурăнăç.

 

Тухатăп та утатăп,

Вăрмана та пыратăп;

Ирĕкри уç сывлăша

Çăтатăн çеç хам ăша.

 

Тăван уй-хире савса,

Çĕнĕ сăвăсем хурса

Йрĕклĕхре юрлатăп,

Каллех ыррăн туятăп.

 

1919, август.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: