Çын ăраскалĕ çакнашкал

Николай Ишентей | Сăвă | 333


Алран алла парсан пăшал,

Мĕскер кусать çынран çынна?

Урать усал, ĕрчет шакал.

... Ăса кĕрейрĕм тин кăна.

 

Чунран чуна пырсан хавал

Мĕскер куçать çынран çынна?

Тухать халал, хĕрет вăй-хал.

... Ăша илейрĕм тин кăна.

 

Çынран çынна куçсан ăс-хал

Телейсĕр хăвармасть çынна.

Çын ăраскалĕ çакнашкал.

... Туйса илейрĕм тин кăна.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: