Сар кĕпе

Алина Тайпи | Сăвă | кĕпе | 290


Сар кĕпе анне çĕлерĕ:

Аркăллă, пиçиххипе.

«Сан çинче ятуллă», — терĕ,

Саврĕ ăшă куллипе.

 

«Сарă кайăк эсĕ, — терĕ, —

Вĕçен тейĕн уй-хирпе».

Чĕрçи çинче чĕвĕлтетрĕ

Хĕрĕм пуканийĕпе.

 

«Сарă лĕпĕш эсĕ, — терĕ, —

Чечен, йăрăс — пӳ-сипе».

Аннесемшĕн хăйсен хĕрĕ —

Ялан хитре сăнĕпе.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: