Мĕн хĕсет-ши?

Мария Селендеева | Сăвă | 343


Мĕн хĕсет-ши? Ман чун — читлĕхре,

Ыратать туртăнса яш чĕре.

Чун суранĕ хирет тĕреке, —

Мĕнле сирĕп умри инкеке?

 

Ăраскалăм-шăпам! Тыткăнран

Хăтарсамччĕ паян е ыран.

Вăй парсамччĕ татма сăнчăра,

Эпĕ унсăрăн — мĕскĕн чура.

 

Сар хĕвел кармашать тӳпене,

Эп куратăп ун вут çăмхине.

Ăраскалăм-шăпам, итлесем,

Чунăма читлĕхрен вĕçертсем!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: