Ылтăнран та хаклă

Вячеслав Круглов | Сăвă | 2009 | 500


Ырă сăмах ылтăнран та хаклă,

Ку каларăш пырать авалтан.

Чăн та, пĕлтерĕшĕ унăн хăватлă,

Вăл çуралать ырă чун-хавалтан.

Ырă сăмахăн пур симĕ, сиплевĕ,

Вăл тĕрек кӳрĕ çынна амантсан.

Ырă сăмах çут тĕнче çути евĕр

Тăрĕ этем тĕнчине юмласа…

Ырă сăмах калама манас марччĕ,

Çут тĕнчери ыр çынсем пĕр-пĕрне,

Çак паха кăмăл та туйăм юмарчĕ

Ăшшăн çутаттăр этем ĕмĕрне.

Ыр сăмахпа пурнăçра пурăнасчĕ,

Кăшт хитреленĕ ун чух çут тĕнче!

Ыр сăмахпа ырă йĕр хăварасчĕ

Манăн, туссен-тăвансен чĕринче.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: