Çĕрлехи çил

Юрий Леванов | Сăвă | 343


Çил çĕрле шаккать килсе.

Хаш сывлать кас-кассăн.

Сивĕ вăл кĕрет илсе

Кантăка уçсассăн.

 

Çав çиле, тен, пулăшать

Аслатиллĕ çумăр.

Тĕлкĕшет вучах, йăшать.

Иккĕн ларнă çуммăн.

 

Вăхăт кайрĕ ир енне.

Шурăм пуç шăранчĕ.

Çил хĕвелĕн шевлине

Курчĕ те — шăпланчĕ.

 

Хытă хупнă кантăка

Яриех уçатпăр.

Юрă тупнă кайăка

Иксĕмĕр тăнлатпăр.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: