Поэтран критик

Петĕр Ялгир | Юрă | 262


Поэзи садĕнче

Ваççан ĕç тухаймарĕ.

Сăвви-такмакĕнче

Пайталăх тупаймарĕ.

 

«Эп — критик», — тет хăйне

Халь çавă пархатарлăн.

Çынсем çырнисене

Вăл критиклет хаяррăн.

 

Кунта тĕлĕнмелли çук.

Вĕт хăвăрах пĕлетĕр:

Йӳç эрехрен пур чух

Уксус пулать ват евĕр.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: